I Paraply sine kjekke lokaler i Thiisafabrikken. Adressa er Hamnegata 48. Velkommen!

Me oppmodar alle om å gå/sykle eller ta buss. Bussholdeplassen er berre eit steinkast unna. Elles finnes det gode parkeringsmoglegheiter på Bytunet og Thon senteret (2 timar gratis).

Påmeldinga er bindande, men du står fritt til å gi plassen din vidare til ein ven dersom du ikkje kan delta. Gi oss berre beskjed om kven som kjem i staden:)

Skulle me måtte avlyse kurset, får du sjølvsagt full refusjon eller tilbod om plass på eit seinare kurs.

Me ønskjer at Paraply skal vere eit lite fristed der vaksne kan senke skuldrene og finne ro i det kreative. Difor er dei fleste kursa og den opne verkstaden retta mot deltakarar frå 12 år. Samstundes synes me det er viktig å dele skapargleda med fleire, og kjem difor til å arrangere eigne aktivitetar for born og familiar gjennom året!

Så kjekt at du vil halde kurs hos oss! Paraply skal etter kvart vere ein levande stad der ulike kurs, verkstader og aktivitetar fyller årshjulet – og me håpar å kunne invitere inn flinke folk med kunnskap og skaparglede.

I oppstartsfasen har me fokus på å få på plass vårt eige kurs- og aktivitetsprogram, men på sikt ønskjer me gjerne å samarbeide med andre som har noko dei har lyst til å lære bort.

Har du ein idé eller ein kompetanse du trur kunne passa hos Paraply? Ta gjerne kontakt – kanskje me kan skape noko saman etter kvart☂️